The Lovely Lass of Inverness
  • This ballad was based on a Jacobite original.
  • Dumossie Moor was the location of the battle of Culloden, 1746.
  • The lovely lass of Inverness,
  • Nae joy nor pleasure can she see;
  • For, e'en to morn she cries, alas!
  • And aye the saut tear blin's her e'e.
  • Drumossie moor, Drumossie day-
  • A waefu' day it was to me!
  • For there I lost my father dear,
  • My father dear, and brethren three.
  • Their winding-sheet the bluidy clay,
  • Their graves are growin' green to see;
  • And by them lies the dearest lad
  • That ever blest a woman's e'e!
  • Now wae to thee, thou cruel lord,
  • A bluidy man I trow thou be;
  • For mony a heart thou has made sair,
  • That ne'er did wrang to thine or thee!
  • Click to return to our Poets' corner