Ode to Rabbie
J.W.Sandison
  • Recited by the author at the Buckie Barnardos lunch, 2009.
  • Fa’an Burness left the bonnie Mearns
  • And heided south wi wife and bairns
  • He little thocht his next son Rabbie
  • Wid grow intae a rhymer laddie
  • That wid, tho short his ain life span
  • Leave such a heritage tae man
  • Life wisna easy nane wid doubt it
  • As plooman Rab jist wisna suited
  • At Oliphant and Lochlee he vrocht
  • On fairm leases his faither bocht
  • Puir bare grun wis their damnation
  • But aye he strived for education
  • Fairmin’ alane on weet Mossgiel
  • Gaur’d him host and made him feel-
  • That ither ploys wid suit him better
  • Instead o ploo’in jist tae be a debtor
  • So wi’ a’ he’d writ allow his airm
  • He said farewell to ploo and fairm
  • He tried his han’ at working jute
  • The mill burned doon he wis pit oot
  • He thocht ae day he’d be a sodjer
  • But shot the thocht an’ came a gauger
  • In Jamaica he had a job on offer
  • When providence filled his coffer
  • A book was published- First edition
  • The rhymers words left to this nation
  • But Rab oh Rab the kirks oppression
  • Frowned sairly on yir proliferation
  • The holy Willies ilk’ a scribe and fool
  • Made ye clap yir doup on the cutty stool
  • Ye’ traivelled Scotia gaitherin’ thochts
  • An man’.. ye dipped in mony troches
  • For bairnies a’ aroon saw Daddy
  • Fin spyin’ oot that Mossgiel laddie
  • O’ sins and drooth ye hid yer shairin
  • But truly Rab ye wiz a rare yin
  • An so at Januar two and five
  • Every year that we’re alive
  • We’ll rob the haggis o’ts intimmers
  • We’ll raise a glass and toast the limmers
  • But abune a’ this oor thocht returns
  • To that bright star .... Robbie Burns
  • Click to return to our Poets' corner