Fisher Lassies
  • The lyrics of this song are about Scots lassies
  • from the fishing communities of the North East of
  • Scotland going down to the English port of Yarmouth
  • to gut the herring.
  • Come aa ye fisher lassies now an come awa wi me,
  • Fae Cairnbulg and Gamrie and fae Inverallochie,
  • Fae Buckie and fae Aiberdeen and a' the country roon,
  • We're awa tae gut the herrin, we're awa tae Yermouth toon.
  • You rise up in the morning wi your bundles in your hand,
  • Be at the station early or you'll shairly hae to stand,
  • Tak plenty to eat and a kettle for your tea,
  • Or you'll shairly die o hunger on the way to Yermouth quay.
  • The journey it's a lang ane and it taks a day or twa,
  • And when you reach your lodgins sure it's soond asleep you fa,
  • But ye rise at five wi the sleep still in your e'e,
  • You're awa tae find the gutting yairds alang the Yermouth quay.
  • It's early in the mornin and it's late into the nicht,
  • Your hands aa cut and chappit and they look an unco sicht,
  • And you greet like a wean when you pit them in the bree,
  • And you wish you were a thoosand miles awa fae Yermouth quay.
  • There's coopers there and curers there and buyers, canny chiels,
  • And lassies at the pickling and others at the creels,
  • And you'll wish the fish had been aa left in the sea
  • By the time you finish guttin herrin on the Yermouth quay.
  • We've gutted fish in Lerwick and in Stornoway and Shields,
  • Warked along the Humber 'mongst the barrels and the creels;
  • Whitby, Grimsby, we've traivelled up and doon,
  • But the place to see the herrin is the quay at Yermouth toon.
  • Come aa ye fisher lassies now an come awa wi me,
  • Fae Cairnbulg and Gamrie and fae Inverallochie,
  • Fae Buckie and fae Aiberdeen and a' the country roon,
  • We're awa tae gut the herrin, we're awa tae Yermouth toon.
  • Click to return to our Poets' corner